פורום אוצר החכמה

כבר דנו עליו בעבר ובש"ק העעל"ט נתעורר לי מקום עיון במקראות
ד' י"א י"ב:
וַתִּקְרְב֥וּן וַתַּֽעַמְד֖וּן תַּ֣חַת הָהָ֑ר וְהָהָ֞ר בֹּעֵ֤ר בָּאֵשׁ֙ עַד־לֵ֣ב הַשָּׁמַ֔יִם חֹ֖שֶׁךְ עָנָ֥ן וַעֲרָפֶֽל׃ וַיְדַבֵּ֧ר ייי אֲלֵיכֶ֖ם מִתּ֣וֹךְ הָאֵ֑שׁ
ד' ל"ו:
מִן־הַשָּׁמַ֛יִם הִשְׁמִֽיעֲךָ֥ אֶת־קֹל֖וֹ לְיַסְּרֶ֑ךָּ וְעַל־הָאָ֗רֶץ הֶרְאֲךָ֙ אֶת־אִשּׁ֣וֹ הַגְּדוֹלָ֔ה וּדְבָרָ֥יו שָׁמַ֖עְתָּ מִתּ֥וֹךְ הָאֵֽשׁ׃
ה' ג' ד':
פָּנִ֣ים ׀ בְּפָנִ֗ים דִּבֶּ֨ר ייי עִמָּכֶ֛ם בָּהָ֖ר מִתּ֥וֹךְ הָאֵֽשׁ׃ אָ֠נֹכִ֠י עֹמֵ֨ד בֵּין־ייי וּבֵֽינֵיכֶם֙ בָּעֵ֣ת הַהִ֔וא לְהַגִּ֥יד לָכֶ֖ם אֶת־דְּבַ֣ר ייי כִּ֤י יְרֵאתֶם֙ מִפְּנֵ֣י הָאֵ֔שׁ וְלֹֽא־עֲלִיתֶ֥ם בָּהָ֖ר לֵאמֹֽר׃
ה' י"ח-כ"ב:
אֶֽת־הַדְּבָרִ֣ים הָאֵ֡לֶּה דִּבֶּר֩ ייי אֶל־כׇּל־קְהַלְכֶ֜ם בָּהָ֗ר מִתּ֤וֹךְ הָאֵשׁ֙ הֶֽעָנָ֣ן וְהָֽעֲרָפֶ֔ל ק֥וֹל גָּד֖וֹל וְלֹ֣א יָסָ֑ף וַֽיִּכְתְּבֵ֗ם עַל־שְׁנֵי֙ לֻחֹ֣ת אֲבָנִ֔ים וַֽיִּתְּנֵ֖ם אֵלָֽי׃ וַיְהִ֗י כְּשׇׁמְעֲכֶ֤ם אֶת־הַקּוֹל֙ מִתּ֣וֹךְ הַחֹ֔שֶׁךְ וְהָהָ֖ר בֹּעֵ֣ר בָּאֵ֑שׁ וַתִּקְרְב֣וּן אֵלַ֔י כׇּל־רָאשֵׁ֥י שִׁבְטֵיכֶ֖ם וְזִקְנֵיכֶֽם׃וַתֹּאמְר֗וּ הֵ֣ן הֶרְאָ֜נוּ ייי אלדינו אֶת־כְּבֹד֣וֹ וְאֶת־גׇּדְל֔וֹ וְאֶת־קֹל֥וֹ שָׁמַ֖עְנוּ מִתּ֣וֹךְ הָאֵ֑שׁ הַיּ֤וֹם הַזֶּה֙ רָאִ֔ינוּ כִּֽי־יְדַבֵּ֧ר אלדים אֶת־הָֽאָדָ֖ם וָחָֽי׃וְעַתָּה֙ לָ֣מָּה נָמ֔וּת כִּ֣י תֹֽאכְלֵ֔נוּ הָאֵ֥שׁ הַגְּדֹלָ֖ה הַזֹּ֑את אִם־יֹסְפִ֣ים ׀ אֲנַ֗חְנוּ לִ֠שְׁמֹ֠עַ אֶת־ק֨וֹל ייי אלדינו ע֖וֹד וָמָֽתְנוּ׃כִּ֣י מִ֣י כׇל־בָּשָׂ֡ר אֲשֶׁ֣ר שָׁמַ֣ע קוֹל֩ אלדים חַיִּ֜ים מְדַבֵּ֧ר מִתּוֹךְ־הָאֵ֛שׁ כָּמֹ֖נוּ וַיֶּֽחִי׃
שמות י"ט ט"ז:
וַיְהִי֩ בַיּ֨וֹם הַשְּׁלִישִׁ֜י בִּֽהְיֹ֣ת הַבֹּ֗קֶר וַיְהִי֩ קֹלֹ֨ת וּבְרָקִ֜ים וְעָנָ֤ן כָּבֵד֙ עַל־הָהָ֔ר וְקֹ֥ל שֹׁפָ֖ר חָזָ֣ק מְאֹ֑ד וַיֶּחֱרַ֥ד כׇּל־הָעָ֖ם אֲשֶׁ֥ר בַּֽמַּחֲנֶֽה׃
שם י"ח:
וְהַ֤ר סִינַי֙ עָשַׁ֣ן כֻּלּ֔וֹ מִ֠פְּנֵ֠י אֲשֶׁ֨ר יָרַ֥ד עָלָ֛יו ייי בָּאֵ֑שׁ וַיַּ֤עַל עֲשָׁנוֹ֙ כְּעֶ֣שֶׁן הַכִּבְשָׁ֔ן וַיֶּחֱרַ֥ד כׇּל־הָהָ֖ר מְאֹֽד׃
ושם י"ג:
לֹא־תִגַּ֨ע בּ֜וֹ יָ֗ד כִּֽי־סָק֤וֹל יִסָּקֵל֙ אוֹ־יָרֹ֣ה יִיָּרֶ֔ה אִם־בְּהֵמָ֥ה אִם־אִ֖ישׁ לֹ֣א יִחְיֶ֑ה בִּמְשֹׁךְ֙ הַיֹּבֵ֔ל הֵ֖מָּה יַעֲל֥וּ בָהָֽר׃
סביר,לפי התיאור הזה,להניח כי מדובר בהר געש.
וזהו שדרשו ז"ל (מכילתא דר' ישמעאל, פרשת יתרו, מסכתא דבחודש, פרשה ד, עמ' 216) על המעמד הנכבד הזה מקראות אלו (תלים י"ח ח,-י"ד):
וַתִּגְעַ֬שׁ וַתִּרְעַ֨שׁ ׀ הָאָ֗רֶץ
  וּמוֹסְדֵ֣י הָרִ֣ים יִרְגָּ֑זוּ
    וַ֝יִּתְגָּֽעֲשׁ֗וּ כִּי־חָ֥רָה לֽוֹ׃
עָ֘לָ֤ה עָשָׁ֨ן ׀ בְּאַפּ֗וֹ
  וְאֵשׁ־מִפִּ֥יו תֹּאכֵ֑ל
    גֶּ֝חָלִ֗ים בָּעֲר֥וּ מִמֶּֽנּוּ׃
וַיֵּ֣ט שָׁ֭מַיִם וַיֵּרַ֑ד
  וַ֝עֲרָפֶ֗ל תַּ֣חַת רַגְלָֽיו׃
וַיִּרְכַּ֣ב עַל־כְּ֭רוּב וַיָּעֹ֑ף
  וַ֝יֵּ֗דֶא עַל־כַּנְפֵי־רֽוּחַ׃
יָ֤שֶׁת חֹ֨שֶׁךְ ׀ סִתְר֗וֹ
  סְבִֽיבוֹתָ֥יו סֻכָּת֑וֹ
    חֶשְׁכַת־מַ֝֗יִם עָבֵ֥י שְׁחָקִֽים׃
מִנֹּ֗גַהּ נֶ֫גְדּ֥וֹ
  עָבָ֥יו עָבְר֑וּ
    בָּ֝רָ֗ד וְגַֽחֲלֵי־אֵֽשׁ׃
וַיַּרְעֵ֬ם בַּשָּׁמַ֨יִם ׀ ייי
  וְ֭עֶלְיוֹן יִתֵּ֣ן קֹל֑וֹ
    בָּ֝רָ֗ד וְגַֽחֲלֵי־אֵֽשׁ׃

ענין הטיית השמים לכאו' היינו הענן הגדול אשר על ההר שבו "נכנס" ראשו של סיני,ומסתבר שהי' זה מתוך רעידת האדמה שהייתה אז כדאי' במכילתא דר' ישמעאל:
'ויתיצבו', נצפפו. מלמד שהיו ישראל מתיראין מפני הזיקין, מפני הזועות, מפני הרעמים, מפני הברקים הבאים.

ומצאתי לחד מקמאי ה"ה בעל מאור האפלה שי' אחרת בזה:


והבוחר יבחר.